مساعدة البنت أو الولد اللي اتعرضوا لتحرش جنسي مش بيعتمد بس انك انك تساعد الشخص مساعدة جسدية.
يعني الأم اللي بنتها بتتعرض لتحرش وكل اللي هاممها هو اذا كانت بنتها عذراء ولا لأ، الأم دي بتضر بنتها أو ابنها أكتر مابتساعدهم.
ولما بنتك تيجي تحكيلك حاجة وانت تقوليلها "يا قليلة الأدب" أو "يا كذابة" أو "أوعي تقولي كدة تاني "... أنت كدة بتضري بنتك أو أبنك ضرر أنت مش دريانة بتأثيرة.
اية اللي يخلي بنت صغيرة تألف حاجة ذي دي؟ المشكلة انها بعد كدة هتعاني من مشكلة زوجية قد تؤدي الى الطلاق. وبسبب الباقي الشخص اللي اتعرض لتحرش جنسي يكون علاقات قريبة أو علاقات طويلة المدي، مش بس كدة، لكن الشخص اللي اتعرض لتحرش في الغالب عمرة ما يعمر في شغلانة.
التحرش الجنسي مش يتأثر بس علي الجسد، لكنة بيأثر علي الروح و النفس والجسد. وكثيرمن الأوقات بيكون الشخص اللي بيشعر بفقدان السيطرة وقت التحرش أو بعدم قدرتة على انه يوقف اللي حصل، يبقي دة نتيجة ان الشخص بيفضل طول عمرة بعد كدة شاعر انة شخص لاحول لة ولا قوة وانة شخص ضعيف.
علشان كدة الشخص دة محتاج انة يتعالج روحياً ونفسياً وجسدياً. ماينفعش ان الواحد يعالج جزء واحد بس.
علشان كدة الناجيات محتاجين يتمسكوا بالله وبقوه الله علشان يديهم القوة والسيطرة اللي هم فقدوها.
اترك تعليق