دي كمان خطواط تساعدكم على تجنب التحرش الجنسي لأولادكم :
1 – الكومبيوتر لازم يكون في الصالة والشاشة بتاعته ناحية الباب.
2 – حط برنامج يقفل أي مواقع إباحية أو مواقع ممكن المتحرش يدخل منها تشاتنج مع أولادك أو بناتك.
3 – علم أولادك ميردوش على إيمايل من شخص ميعرفهوش أو مسجات من ناس مش معروفين ليهم.
4 – استخدم براوزر browser زي :
www.yahooligans.com
www.ajkids.com
www.kidsclick.org
5 – اتكلم مع أولادك عن حدود الصح والغلط، خليه يمضي تعهد إنه :
- هيتكلم مع أهله عن المواقع اللي يقدر يزورها والمواقع اللي مينفعش يزورها.
- عمره ما يدي معلومات شخصية أو عنوان ورقم تليفونه أو موبايله أو عنوان شغل أهله أو رقم بطاقة ائتمان أو اسم مدرسته أو عنوانها من غير إذن أهله.
- أقول لماما وبابا لو شفت حاجة غريبة على الإنترنت، حاجة ازعجتني أو ضايقتني.
- عمري ما هقابل حد اتعرفت عليه أون لاين من غير ما أقول لأهلي.
- عمري ما هبعت صوري أو صورة حد من أهلي لحد على الإنترنت من غير ما أقول لأهلي.
- عمري ما أدي الباس ورد لحد حتى أعز أصحابي.
- عمري ما أعمل أو اقول حاجة أون لاين ممكن تؤذي أو تغضب حد أو حاجة ضد القانون.
- عمري ما أعمل حاجة على الإنترنت محتاجة فلوس غير لما أخد إذن أهلي.
- هخلي أهلي يعرفوا اسمي وأسماء التشات بتاعتي أون لاين.
6 – تحديد وقت لاستعمال الإنترنت وتجنبه بالليل بعد نوم الأهل.
7 – شجع أولادك انهم يتكلموا معاك لو حصل حاجة ضايقتهم.
8 – اتأكد ان الاطفال والشباب عمرهم ما يقابلوا حد قابلوه أون لاين.
9 – علم أولادك مخاطر الإنترنت.
10 – ثابر ومتزهقش حتى لو أولادك اتخانقوا معاك.