علامات التحرش واضحة...
أهم العلامات :
- بنتك ترجع متغيرة.
- بنتك تبقى منطوية ومش عايزة تتكلم مع حد.
- بنتك تلبس بنطلونات بس وتخاف من الجيبات "التنورة" أو تبدأ تلبس واسع جداً علشان محدش يشوف تفاصيل جسمها.
- تبدأ تقعد في الوضع الـ curled position.
- تخاف تسيب البيت.
- تقفل الستارة طول الوقت.
أحسن حاجة نعملها لأولادنا هي إنهم يثقوا في أنفسهم، يثقوا فينا كأهل، إننا نحبهم محبة غير مشروطة.. ان الحب ده عمره ما هيتغير مهما مين قال لنا حاجة وحشة عنهم. لازم نتواجد لأولادنا ونقضي معاهم وقت.
ندرك انه ممكن يحصل لأولادنا أذية ومش بس برا البيت.
ندرب نفسنا إنه حتى لو حصل، فالأهل العاقلين اللي هيحبوا ويساندوا أولادهم، ممكن يفرقوا جداً في حياة الولد أو البنت.
الأهل يعملوا أيه؟
- احتفظ بهدوئك : بالرغم من دا أمر صعب لأن الأهل بينهاروا لما يعرفوا لكن مهم جداً إننا منعملش ردود فعل عنيفة لأن رد الفعل العنيف هيخوف الناجية/ الناجي ويخليهم يشعروا بخزي أكبر بكتييير. دا ممكن طفلك يقول انه محصلش عشان يحميك انت.
- صدق ابنك/بنتك. الأطفال مش بيخترعوا موضوع التحرش.
- اصغ لطفلك : ما تعلقش وهو بيحكي لك. لا تُدين المتحرش، في الغالب الطفل بيكون عارف المتحرش كويس وبيحبه كونك تشتم أو تذم في المتحرش هيضيف للطفل شعور بالألم وعدم الارتياح.
- أكد لأبنك/ بنتك إنه معملش حاجة وحشة. التحرش عمره أبداً أبداً ما بيكون ذنب الطفل.
- اتأكد ان طفلك محمي من تحرش مستقبلي آخر.
- اطلب مساعدة ليك ولطفلك في أقرب فرصة من متخصصين.
- اتأكد ان الشخص اللي هتقعد معاه معندوش مشكلة انه يتكلم ويسمع ويعطي مشورة صحيحة في الموضوع دا.
لسلامة طفلك اتناقش معاه في الأمور دي.
- في أجازة الصيف لازم ماما وبابا يبقوا عارفين انت فين ومع مين وامى هترجع البيت.
- لما تكوني عند حد من أصحابك اتأكد ان الأهل موجودين في البيت، لو الأهل سابوا البيت وسابوا الأولاد لوحدهم، محتاج تقول للأولاد يعملوا أيه.. هل يطلبوك تيجي تاخدهم؟
- لو ابنك أو بنتك كانوا على الكمبيوتر وصورة وحشة ظهرت علم ولادك انهم يطفوا الكمبيوتر "الشاشة" ويقولوا لك.
- لو بتلعبوا في أي مكان، وشخص كبير قال لك تدخلي عنده وتلعبي لازم تقولي وتقول "لأ" وعلى طول تبلغي ماما أو بابا.
حماية الأطفال من التهيئة الجنسية
لما يكتشف الوالد (الوالدين) أن أطفالهم تمت تهيئتهم جنسياً وأؤذوا جنسياً فأنهم في أغلب الأحيان يتجاوبون بعدم تصديق ورعب. وهذا جزئياً لأنهم هم أنفسهم تم أغوائهم في عملية التهيئة، ويشعرون بالجرح، والغضب، والخيانة، والذنب بسبب الدور الذي ربما يكونوا قد لعبوه في العملية. فرد الفعل الإنساني لهذه المشاعر القوية يكون إنكار ما حدث، وكيف تم إيذائهم.