غير مذنب - طفلة الصغيرة

طفلة الصغيرة

الطفلة الصغيرة بتزق الحاجز, بتزقه و تحاول انها تحركه. و تجرى من بعيد و تخبط فية. الحاجز مش بيتحرك ولا ملى. بعد كذا محاوله, الطفلة تبدأ تلعب بلعبتها وهى متأكدة ان الحاجز مش هيتغيرمكانه ولا هيدحدح مهما حصل.
فى عيلتى الحدود كانت بتتغير بأستمرار, كثير كنت اروح للمكان اللى المفروض الحدود تكون عندها بس ماكنتش بالاقية.
علشان كده ماتعلمتش والا عرفت ان الحدود حاجة من حقى, حاجة لازم تبقى موجودة في حياتي.
دلوقتى وأنا فى سكة التعافى باتعلم أن من حقى أن يكون عندى حدود لنفسى. أنا اللى باطبقها. ده معناه انى ممكن امشى لو حد أساء الي و ان من حقى اقول لأ لو أنا مش موافقة.
النهارده هاسمح لنفسى انى احط حدود صارمة, حدود تخلى حياتى أمان.

طفلة الصغيرة

اترك تعليق

تأملات الطفل الداخلي